| Durrės, zhbllokohet nga cektina anija ushtarake |
|
|
| Friday, 15 May 2009 | |
 Burime zyrtare nga Brigada detare me qendër në Durrës, bënë të ditur se anija ushtarake P-115 u bllokua mbrëmë rreth orës 21.30 pas disa manovrash detare me ndihmën e anijes patrulluese ushtarake "Iliria" DURRËS-Anija ushtarake e Flotiljes sonë detare, e cila u bllokua pasditen e kaluar në cektinën detare përballë brigjeve të Durrësit, është nxjerrë sot me ndihmën e anijeve të tjera ushtarake dhe aktualisht ndodhet e ankoruar në kalatat e portit detar. Burime zyrtare nga Brigada detare me qendër në Durrës, bënë të ditur se anija ushtarake P-115 u bllokua mbrëmë rreth orës 21.30 pas disa manovrash detare me ndihmën e anijes patrulluese ushtarake "Iliria". Anija e Flotijes sonë detare P-115 pësoi një defekt në motorr dje pasdite teksa lundronte drejt bazës së Kepit të Palit, në veri të Durrësit. Era e fortë e ka shtyrë atë në cektinën argjilore përballë brigjeve të qytetit. Burimet shtuan se tashmë anija ushtarake ndodhet e ankoruar në portin detar të Durrësit. (d.b/BalkanWeb) |
| < Prev | Next > |
|---|
